ექიმი ნარკოლოგი პაციენტს ეკითხება: - ჰალუცინაციებამდე ოდესმე მიგიღიათ ალკოჰოლი? - არა, ექიმო, მაგრამ, აი, ჩემი მეგობარი იმდენს სვამდა, ეჩვენებოდა, რომ მის სახლში მაჯლაჯუნები დარბოდნენ და დასაჭერად დასდევდა. საკუთარი თვალით ვნახე! დაჭერაში მეც ვეხმარებოდი...
...
ახალშეუღლებულებს რომელიღაც დაავადების თითქმის ერთნაირი სიმპტომები გამოაჩნდათ: თავბრუხვევა, გულისრევა, სისუსტე... ფულის დაზოგვის მიზნით გადაწყვიტეს, ექიმთან ქალი წასულიყო. უკან დაბრუნებულს ქმარი მოუთმენლად ეკითხება: - აბა, რა თქვა ექიმმა, რა გვჭირს? - უნდა გაგახარო, ძვირფასო, ჩვენ ორსულად ვართ!!!
...
- ექიმო, დეპრესია მაწუხებს. - საუკეთესო წამალი შრომაა, მთელი არსებით სამუშაოში უნდა გადაეშვათ. - იქნებ, სხვა გზაც არსებობდეს, ექიმო, მე ხომ ბეტონის შემრევად ვმუშაობ!
...
- ექიმო, ნათესავებს შეშლილი ვგონივარ იმის გამო, რომ ძალიან მიყვარს სოსისი. - რა სისულელეა! სოსისი მეც მიყვარს! - მართლა, ექიმო? თუ ასეა, მაშინ წამობრძანდით, ჩემს კოლექციას გაჩვენებთ.
...
ფსიქიატრთან მიღებაზე: - როდის გაგიჩნდათ ის აზრი, რომ ძაღლი ბრძანდებით? - მაშინ, როცა ჯერ კიდევ ლეკვი ვიყავი.
...
ექიმების საუბრიდან: - კოლეგა, ოდესმე გიცდიათ დასაძინებელი და კუჭში გამხსნელი საშუალებების ერთდროულად დანიშვნა? საკმაოდ საინტერესო ეფექტს მიიღებთ...
...
ფსიქიატრთან მიღებაზე: "იცით, ექიმო, ჩემს ქმარს ჰგონია, რომ თვითმფრინავია". "ეს როგორ?" "აი, მაგალითად, გუშინწინ საღამოს დამირეკა და მითხრა, რომ სახლში ვერ მოვიდოდა, იმიტომ, რომ მეტეოროლოგიური პირობების გამო მხოლოდ სათადარიგო აეროდრომზე დაჯდომის უფლებას აძლევენ". "ალბათ, გეხუმრათ, ქალბატონო". "არ ვიცი, არ ვიცი... მერე სტიუარდესამ დარეკა და მითხრა, რომ ჩემს ქმარს ტექნიკური ხასიათის პრობლემებიც აქვს - შასის გამოშვება ვერაფრით მოახერხა".
|