საქართველოს შვიდკაცა ნაკრებმა დანიაში სინი მოიპოვა
მოსკოვში შერცხვენის შემდეგ საქართველოს ნაკრები 12 გუნდში XI ადგილზე გავიდა. შვიდკაცას ნაკრების თავკაცმა კახა ალანიამ ევროპის გრანპრის მე-3 ეტაპზე უფრო ძლიერი შემადგენლობა წაიყვანა. გუნდს ამერიკული ტურნედან დაბრუნებული "ბორჯღალოსნები" დაემატნენ და შედეგიც გაცილებით უკეთესი მივიღეთ - დანიაში გუნდმა V ადგილი და სინი მოიპოვა.
ოდენსეში 16 გუნდი 4 ჯგუფად გაიყო. საქართველო C ჯგუფში რუსეთთან, უკრაინასა და ბელგიასთან მოხვდა.
პირველ მატჩში რუსეთის ნაკრებთან "მშრალად" დამარცხების შემდეგ ჩვენმა გუნდმა უკრაინას და ბელგიას მოუგო და თასისთვის ბრძოლა გააგრძელა.
სამწუხაროდ, გუშინ მეოთხედფინალში პორტუგალიის ნაკრებმა სასტიკად დაგვამარცხა - 0:24 - და ჩვენი გუნდი მე-5 ადგილისთვის (სინისთვის) ბრძოლაში გადაერთო.
პირველი მეტოქე სინისთვის ბრძოლაში შოტლანდია იყო. მიუხედავად იმისა, რომ საქართველოს ნაკრებს შემცვლელები აღარ ჰყავდა ტრავმების გამო, გუნდმა მცირე სენსაცია მოახდინა და 21:19 დაამარცხა შოტლანდია.
ასე გავედით სინისთვის ფინალში ინგლისელთა პირისპირ, სადაც ასევე დავამარცხეთ მეტოქე (21:14) და სინს დავეუფლეთ.
C ჯგუფი საქართველო-რუსეთი 0:12 საქართველო-უკრაინა 5:0 საქართველო-ბელგია 24:0
1/4-ფინალი საქართველო-პორტუგალია 0:24
პლეი ოფი საქართველო-შოტლანდია 21:19
მე-5 ადგილისთვის საქართველო-ინგლისი 21:14
|