opaia.tk

რეკლამა საიტზე

მთავარი » 2012 » ივლისი » 19 » როლანდუ ტიაგო სილვას შემცვლელად?

0:37 AM როლანდუ ტიაგო სილვას შემცვლელად?
მას შემდეგ, რაც ტიაგო სილვა პსჟ-ში გადაბარგდა, ნათელი გახდა, რომ "მილანი" ცენტრალური მცველის შეძენაზე გააკეთებდა აქცენტს. იტალიურ სპორტულ პრესაში გავრცელებული ინფორმაციის თანახმად, "როსონერის" მესვეურებმა "პორტუს" უკანახაზელ როლანდუს დაადგეს თვალი და მის გადაბირებასაც აპირებენ. 26 წლის მცველი 2008 წლიდან იცავს პორტუგალიური გრანდის ღირსებას, 110 თამაში აქვს ჩატარებული და 7 გოლი გატანილი. პირინეელები როლანდუს 15 მილიონ ევროდ აფასებენ - ცნობილია ისიც, რომ თურქული "ბეშიქთაში" მზადაა, ფეხბურთელის სანაცვლოდ აღნიშნული თანხა გადაიხადოს - თუმცა თავად როლანდუს მხოლოდ "მილანში" სურს გადასვლა: "პორტუგალიაში თავს შესანიშნავად ვგრძნობ და ერთადერთი გუნდი, რომლის გამოც გარემოს შეცვლას დავთანხმდები, ეს "მილანია". "როსონერიში" ასპარეზობა ჩემი ბავშვობის ოცნებაა და ბედნიერი ვიქნები, თუ ეს ოცნება ამიხდება. ველოდები მილანიდან ზარს და იმედი მაქვს, ყველაფერი კარგად დასრულდება". "მილანთან" დაკავშირებით კიდევ არაერთი ინფორმაცია ვრცელდება - მაგალითად, ამბობენ, რომ რობინიო შესაძლოა "სანტოსში" გადავიდეს, ანტონიო კასანომ კი "ჯენოას" მიაშუროსო. თუ კასანოს გენუაში გადაბარგება ნაკლებად წარმოსადგენია, რობინიოს სამშობლოში დაბრუნება უფრო რეალური მოჩანს - ეს მის კომენტარშიც იკითხება: "სამშობლოდან მართლაც დამიკავშირდნენ და არ არის გამორიცხული, რომ კარიერა "სანტოსში" გავაგრძელო. ამ თემაზე უახლოს მომავალში "მილანის" მესვეურებს შევხვდები და ყველაფერს დეტალურად განვიხილავთ. ჩემი სურვილია, რომ "როსონერიში" კიდევ მინიმუმ ორი წელი დავრჩე, მაგრამ ყველაფერი ჩემზე არაა დამოკიდებული. ვნახოთ, ამ საკითხს მალე მოეფინება ნათელი". პატო ტიფოზებს ამშვიდებს მართალია, ზლატან იბრაჰიმოვიჩის პსჟ-ში გადაბარგების ამბავი ჯერ არ გაფორმებულა, მაგრამ ამ საქმეს წინ, პრაქტიკულად, აღარაფერი უდგას. შვედი ფორვარდის ღირსეული შემცვლელის მოძებნა იოლი არ იქნება. ამიტომ არ არის გამორიცხული, მასიმილიანო ალეგრის არსებული რესურსით მოუწიოს ფონს გასვლა. ანუ არის შანსი, მომდევნო სეზონში "როსონერის" თავდასხმის ხაზი მნიშვნელოვნად შესუსტდეს და ეს მიუხედავად იმისა, რომ ლომბარდიელები კარლოს ტევესის ფრონტზე აპირებენ გააქტიურებას. გულშემატკივრებს მოვლენათა ასეთი განვითარება მაინცდამაინც არ ხიბლავთ და სოციალურ ქსელში ერთი ამბავი აქვთ ატეხილი - ალეშანდრე პატო კი ტიფოზებს ამშვიდებს და გოლებს ჰპირდება: "გულშემატკივრებს ნერვიულობის საბაბი ნამდვილად არ აქვთ, რადგან "მილანი" დიდი გუნდია და ერთ ფეხბურთელზე დამოკიდებული არასდროს ყოფილა. ამასთან, გუნდში კიდევ ბევრი მაღალი კლასის ფორვარდია და ეს არ უნდა დაგვავიწყდეს. პირადად მე თავს შესანიშნავად ვგრძნობ და ერთი სული მაქვს, როდის დაიწყება ახალი სეზონი. მართალია, ბევრმა ჩამომწერა, მაგრამ დარწმუნებული ვარ, რომ კიდევ შემიძლია უმაღლეს დონეზე თამაში. საერთოდ, დაპირებები არ მიყვარს, მაგრამ ეს ის შემთხვევაა, როდესაც მაქვს საფუძველი, ოპტიმისტური განცხადება გავაკეთო". ყოველდღიური სპორტული გაზეთი "ლელო"
1 2 3 4 5 კატეგორია: სპორტი \| ნანახია: 580 \| დაამატა: paata_19972 \| ტეგები: sporti \| რეიტინგი: 5.0/1

სულ კომენტარები: 0

s"> .lols { background:#273c13 none repeat scroll 0 0; border:0 none; color:#f7f7f7; cursor:pointer; font-family:verdana; font-size:10px; letter-spacing:0; margin:0; padding:5px; text-align:center; width:auto; } .lols:hover { background:#918e8e none repeat scroll 0 0; border:0 none; color:#f7f7f7; cursor:pointer; font-family:verdana; font-size:10px; letter-spacing:0; margin:0; padding:5px; text-align:center; width:auto; } .disable { background:#D82020 none repeat scroll 0 0; border:0 none; color:#FFFFFF; cursor:pointer; font-family:verdana; font-size:10px; letter-spacing:0; margin:0; padding:5px; text-align:center; width:auto; } .disable:hover { background:#E33939 none repeat scroll 0 0; border:0 none; color:#F3F3F3; cursor:pointer; font-family:verdana; font-size:10px; letter-spacing:0; margin:0; padding:5px; text-align:center; width:auto; } .posts { background:#65a22b none repeat scroll 0 0; border:0 none; color:#FFFFFF; cursor:pointer; font-family:verdana; font-size:10px; letter-spacing:0; margin:0; padding:5px; text-align:center; width:auto; } .posts:hover { background:#346704 none repeat scroll 0 0; border:0 none; color:#F3F3F3; cursor:pointer; font-family:verdana; font-size:10px; letter-spacing:0; margin:0; padding:5px; text-align:center; width:auto; }

სახელი *:

Email: