"პარი სენ ჟერმენმა" ზლატან იბრაჰიმოვიჩის გადასვლის შესახებ ოფიციალურად განაცხადა
"მილანის" ყოფილი თავდამსხმელი ზლატან იბრაჰიმოვიჩი ოფიციალურად გახდა პსჟ-ის ფეხბურთელი.
მისი კონტრაქტი სამწლიანია. ხელშეკრულების პირობით, შვედი წელიწადში, ბონუსების გარეშე, 14 მილიონ ევროს მიიღებს.
"პსჟ ძალიან საინტერესო პროექტია. ამ კლუბს შესწევს ძალა, შეუძლებელი შესაძლებლად აქციოს.
ეს ჩემს კარიერაში მნიშვნელოვანი ნაბიჯია - მორიგი ოცნება, რომელიც რეალობად იქცა.
პარიზულ კლუბში რომ გადავიდოდი, ეჭვიც არ მეპარებოდა", - განაცხადა იბრაჰიმოვიჩმა პარიზული კლუბის მოთამაშედ ოფიციალურად წარდგენისას.
"მილანის" შემადგენლობაში 30 წლის იბრაჰიმოვიჩმა 85 მატჩი ჩაატარა და 56 გოლი გაიტანა.
|